Keep In Touch

Und eimol meh hesch gseit: keep in touch
als ob das möglech wär
Rede scho sit Wuche nümm
sit em letschte Mail lang här
Hüt endlech ghörsch vo mir
melde mi, dermit du gsesch
es liit mir dra, trotzdem hoff i
dass du’s Telefon nid ghörsch

Meischtens seisch du denn zerscht
verzell mer öppis neus
Mer goi nid gärn id Detail
So paar Stichwort gnüege eus
E Fründin hett es Baby
ihre Typ hett müesse go
Öppis, woni ghört ha
und e Spruch, won i nid verstoh

Denn frog i, wie’s dir gange isch
und du seisch: s’chönnt schlimmer si
Und i säge, mir goht’s au nid schlecht
und das wärs denn öppe gsii

Und denn blibts ganz lang still
unendlech lang bis wiiter goht
und öpper seit: Bisch du no do?
als obs imne Dreibuech stoht
Chumm, bringe mers hinter eus
chumm, für hüt isch Schluss
So guet, wenn i di Stimm ghör
doch i ha no so viel los

Und eimol meh hesch geseit: keep in touch
als ob das möglech wär