Nie meh Rock’n’Roll
Wenn das kein schöner Schwur ist! Erinnert mich an einen Auftritt in Solothurn, als tatsächlich wieder einer verlangte, wir sollten doch “Honky Tonk Women” spielen. Weil ich den Text nicht kannte, fiel mir am Ende des Verses bloss noch ein: “I’ll never sing this fucking song no more.” Daran habe ich mich seither gehalten. Das Gitarresolo stammt von Hampe Bohren. Ich finde, er hat genau den Sound gefunden, den der Song braucht. Für dem Sample am Anfang habe ich in einer Bar in Olten so unauffällig als möglich Mikrofon und Minidisc-Gerät aufgebaut.
Aufnahmejahr: 1999/2000; Aufnahmeort Schlagzeug und E-Bass: West Side Studios Uetendorf
alles andere Homerecording
S isch Samschtig Nacht
und er spielt wider Rock’n’Roll
Sini Finger si müed
und der Gsang wie immer chli schief
Und es tönt über d’Gass
und hallt vo de Wänd vom Pfarrhuus vis à vis
Dunde us em Pub
wo früener mal der Schtärne isch gsii
S isch scho mängs Johr här
sit sim einzige grosse Hit
Im ganze Land hets kei Band eso brocht wie är
Und d‘Meitschi si heiss und Giele spitz gsii
und är grad vor de Stones
uf der Bühni höch überem Rase vom Stadion
Mängisch dänkt er es sig hüt nümme gliich
und luegt ihri Gsichter a
schloht wild i d’Saite, dreit s’Mik voll uf
„chumm zeigs dene Junge nomol“
Und sis Be-bop-a-loo-la, Heartbreak Hotel
and That Will Be The Day,
doch plötzlech fliegt dä
Sweet Bird of Youth eifach dervo
Er packt si Gitarre i Koffer
und trinkt no nes Glas
Villicht eis zviel, okay
wer kümmeret das?
Der Beizer stellt die letschte Stüel uf Tisch
und steckt ihm zwei Note i Sack
Und er schwört
er spielt nie meh Rock’n’Roll i däm Kaff
Und schwört er spielt nie meh Rock’n’Roll
i däm verfluechte Kaff.
- Walter Keiser
- Schlagzeug
- René Eberhard
- Bass
- Hampe Bohren
- Solo-Gitarre
- Martin Schaffner
- Synth-Bass, akustische Gitarren, E-Gitarren
- Peter Wagner
- Hammond B3
- Alexandra Lüthy
- Chorgesang