start Album Songs Writers-Corner Portrait Martin Schaffner
Musik & Texte
     

Alts Chind

Format Grösse Länge (Min.) Sample
Titel hören/herunterladen mp3 3.07 MB 3.21
Songtext
Über dieses Lied
Alts Chind

I ha mer gschwore s’chöm nie so wit
Sig schön brav und iss di Teller leer! 
Hätt nie glaubt, dass das dine lit
hätt nie dänkt, dass das ghörsch vo mir
Was sell e Schuelsack uf der Stäge
Lueg mal uf d’Uhr du hesch der Zug verpasst
Muess i dir immer alles drümol säge
Wie hani de Spruch als Chind doch ghasst

So schad, dass mir nid mitenander choi go
All die Johr derzwüsche, i bi nid blind
Derbi chan i di so guet verstoh
Bi doch sälber nume
es alts Chind

Hani denn jede Vergliich verlore
was isch das scho, wenn eine pünklich chunnt?
Was isch es Heft ohni Eselsohre?
Gegen eine, wo Fründschaft kennt?
e feschte Blick, e Handschlag und es Lache
mängisch frog i mi: Was sell das alls?
ha doch probiert alles richtig z’mache
und hüt hani s’Gfühl es sig alles falsch

Schad, dass mir nid mitenander choi go
all die Johr derzwüsche, i bi nid blind
Derbi chan i di so guet verstoh
Bi doch selber nume
es alts Chind

I weiss du settsch i mir es Vorbild ha
doch i bi unsicher und schwach
wott dini Frog nie ohne Antwort lo
derbi isch doch eher der Zwifel mis Fach 
Und wenn i hüt so zrugg lueg, was i gleert ha
bliibt unterem Strich nur wenig, woni weiss
doch du chasch sicher sii, dass i di gärn ha
und das isch’s wo zellt uf dere Reis 

I bi vo geschter, ha scho viel vergässe
du machsch di Wäg, i zwiifle nie do dra
i ha d’Weisheit nid mit Löffle gfresse 
doch i mach mit Liebi alles falsch so guet i cha

Schad, dass mir nid mitenander choi go...

Wenn ich bloss sagen könnte, warum mir dieses Lied so bekannt vorkommt... Ein Lied, das mein Sohn nicht ausstehen kann. Wer will schon einen Vater, der singt, er sei ein altes Kind. Eigentlich habe ich dieses Gefühl meinen Kindern gegenüber auch nicht. Als Vater ist man eine Institution und wenn man Glück hat auch noch ein Mensch, damit kann ich eigentlich ganz gut leben. Es ist einfach ein schöner Gedanke, ein altes Kind zu sein und ab und zu die Institution unter der Säure der Selbstironie zerbröseln zu lassen...
Beteiligte Musiker
Martin Buess: guitars
Fred Herrmann: drums
Emmi Lichtenhahn: bass
Martin Schaffner: vocals

Aufnahmejahr: 2004
Aufnahme/Mix: 
Fred Herrmann 
Q-Lab Basel


Songs Übersicht