start Album Songs Writers-Corner Portrait Martin Schaffner
Musik & Texte
     

Farbige Clip

Format Grösse Länge (Min.) Sample
Titel hören/herunterladen mp3 2.16 MB 2.22
Songtext
Über dieses Lied
Farbige Clip

Dört uf dem farbige, zuckende Bildschirm 
e Huufe vo tanzende Lüüt
zmittsdrin es brandheisses Model, dernäbe
e dräckig grinsende Typ
d’Stärne schiine vom tiefblaue Himmel
und plötzlech ghört me die Stimm
s’Glück sigi das und e offeni Fläsche
wie dä Fusel heisst, weiss i grad nümm

Die, won i kenne gsei sälte so us
wie die gstylte Type im Clip 
bi mit kem Model befründet und finde
das trendige Gsöff nid so hip
Aber sitdäm i die Bilder ha gseh und 
gmerkt ha um was genau goht 
weiss i wie schlimm`s um mis truurige Läbe
in Würklechkeit eigentlech stoht.

Bsuechet drum dir, wo mit Models bekannt sit
e Party am beschte no hüt
nämet die farbigi Fläsche und 
all euri coole Fründe grad mit
Denn euses mönschliche Läbe uf Ärde
das müesst der zuegä isch miis
doch wenn d’emol gmerkt hesch 
wie eifach s’Glück zha isch
denn zahlsch mit me Lächle der Priis

Nein, das ist keine Parodie, sondern eine Referenz. Der Versuch, ein altes Lied zu aktualisieren. Normalerweise setzen die Leute ja bei den Sounds und beim Beat an. Nach dem Motto: Ein trendiger Groove, ein paar neue Sounds und schon sind wir im 21. Jahrhundert. Ich hab mal beim Text angefangen und die Musik sozusagen naturbelassen.
Beteiligte Musiker
Martin Buess: guitars
Fred Herrmann: drums
Emmi Lichtenhahn: bass
Martin Schaffner: vocals

Aufnahmejahr: 2004
Aufnahme/Mix: 
Fred Herrmann 
Q-Lab Basel


Songs Übersicht