Für immer

Heb der Sorg, hesch mer gseit bim Abschid
heb der Sorg und blib nid lang
Heb kei Angst, isch mi Antwort gsii
Wirsch gseh, me vergisst so schnell
Au wenn’d hüt glaubsch, es müess für immer sii

Lo mi los, hani gseit, doch gmeint han i
drück mi einmal no fescht a di
Heb mi fescht, hani dänkt, doch gseit hani nur
I sött jetz go
Und ha fasch glaubt, es müess für immer sii

So langi Zit, so wit vo dir
I glaub hesch rächt gha, vermisse di
Bisch mer lieber, als mer lieb isch
Und i so ändlos lange Tage
Glaub i scho fasch nümm dra
Dass au der längschti Winter es Ändi het

So langi Zit, so wit vo dir
I glaub hesch rächt gha, vermisse di
Bisch mer lieber, als mer lieb isch
Und i so ändlos lange Tage
Glaub i scho fasch nümm dra
Dass au der längschti Winter es Ändi het

Lo mi los, hani gseit, doch gmeint han i
Drück mi einmal no fescht a di
Heb mi fescht, hani denkt, doch gseit hani nur
I sött jetz go
Und ha fasch glaubt, es müess für immer sii