Gleis 13
Aus dem Album "Es git kei gueti Musig me", 2024
Das ganze Lied ist auf den Streaming-Plattformen erhältlich.
Bahnhof Olte, wo d’Schine sich chrüze
e Wiege vom Fortschritt
im vorletschte Johrhundert
au hüt no bekannt als Isebahnchnotepunkt
All die Züg, wo do chöme und gönge
all die Lüt, wo über Perron renne
und die, wo chli bliibe
die flueche und warte
uf Aschluss
Villicht han is denn nid ghört
„Ihre nächsten Anschlüsse...“
bi usgschtige und bi blibe für immer
und hüt sitz i do mit euch
im Gleis 13
Gleis 13 bim Bahnhof
Sitz ab und blib hocke
sig so wie du bisch
und mach keim öppis vor
Was do niemer vermisst,
si Type mit ere
grosse Fresse!
Ond du gsesch all die Züg nach Luzern, nach Milano
Basel und Bern, oder Genf ond Berlin
Aber säg, was isch besser als en Ort
ohni Tourischte?
Vergiss der Gault Millau,
und bring mer kei Sushi
kei Apéro riche
und bitte kei Cüpli
d'Suppe vo hüt, e chli Brot
und der Hunger isch gstillt
Gleis 13 bim Bahnhof
sitz ab und blib hocke
sig so wie du bisch
und mach keim öppis vor
Was do niemer vermisst,
si Type mit ere
grosse Fresse!
I weiss, di ziet’s do halt wäg
wil du weisch, was im Trend lit
dört ane, wo’s abgoht
wo d’Party nie ufhört
doch eis muess der säge
und das dörfsch nie vergässe
Was hüt no so hip schiint
isch morn scho zum Lache
und keine blibt für immer jung und sexy.
Über churz oder lang hocksch au du
im Gleis 13
Gleis 13 bim Bahnhof
Sitz ab und blib hocke
sig so wie du bisch
und mach keim öppis vor
Aber eis muesch wüsse
und das merksch der am beschte für immer:
Wenn d’mal hocksch, so elei
vor em leere Glas und du chunnsch
so ganz langsam und sicher is Grüble
säg jo nie du sigsch uf em Abstell-
gleis 13.
- Brian Pruitt
- Schlagzeug, Perkussion, Synth
- Jeff King
- Gitarren, Bass
- Tammy Rogers King
- Fiddle, Mandoline
- Martin Schaffner
- Stimme
- Marc-André Flück
- Stimme